Беларускі прарок
140- годдзе са дня нараджэння
7 ліпеня 1882 года ярка заззяла сонца на небасхіле, бо прыйшоў на свет наш беларускі прарок- Янка Купала ( Іван Дамінікавіч Луцэвіч), чыё 140- годдзе адзначае сёння наша краіна. Прыйшоў той, хто на ўвесь свет заявіў пра нас, беларусаў.
- А хто там ідзе, а хто там ідзе
ў агромністай такой грамадзе?
- Беларусы!
Гэтыя словы сталі своеасаблівым гімнам нашай краіны.
Паэт, публіцыст, перакладчык,драматург, у творчасці якога ўвасобіўся лёс цэлага пакалення. Аўтар " Раскіданага гнязда", " Бандароўны", " Паўлінкі" , ён быў беларускі дэндзі, заўсёды ў касцюме , пры гальштуку і ў капелюшы, любіў адпачываць у Грузіі на моры. Прывозіў адтуль каменьчыкі, якія раскладваў у сябе ў кабінеце і ўспамінаў падарожжа.
Янка Купала пражыў няпростае жыццё, поўнае цяжкасцей і выпрабаванняў. Аднак яго высокія якасці як чалавека, грамадзяніна і творцы: сумленне, высакароднасць, гуманізм, любоў да свайго народа і Айчыны заставаліся нязменнымі і няспрэчнымі з цягам часу.
Беларускі пясняр стаіць у шэрагу тых вялікіх мастакоў слова, якім дадзена глыбока спазнаць сутнасць свайго часу, народа, яго гісторыі і выказаць гэта ў яскравай, толькі ім уласцівай форме.
