“Аб чым гудуць званы Хатыні”
Хатынь... Наш народны боль...
У што цяпер верыць?
Аб кім цяпер плакаць?
Іх сто сорак дзевяць,
у вогнішчы спаляць...(А. Борскі)
Сёння, 22.03.2022, прайшла класная гадзіна, прысвечаная трагедыі ўсяго беларускага народа, “Аб чым гудуць званы Хатыні”.
Любіць сваю Радзіму, памятаць пра яе гераічнае мінулае і рабіць усё для яе будучыні – адна з найважнейшых задач грамадзяніна. Без мінулага няма і будучыні. І пакуль будзе жыць людская памяць – урокі вайны не павінны паўтарыцца.
Вучні слухалі аб трагічных падзеях Хатыні, спаленай фашыстамі ў 1943 годзе. Прачыталі вершы, прысвечаныя трагедыі, якая разыгралася ў маленькай беларускай вёсачцы. Узгадалі імёны людзей, якія перажылі жахлівую хвіліну жыцця. Разам з вучнямі 7 класа пазнаёміліся з дакументальным фільмам пра Хатынь.
